TABICA — Tanzania Briquettes Biomass and Improved Cookstoves Association — ni chama cha wanachama kilichoanzishwa mwaka 2026, kisicho cha faida, siasa wala dini. Kinaunganisha watu binafsi, mashirika na biashara zinazoshiriki katika maendeleo ya nishati safi ya kupikia Tanzania Bara.
Dira yetu
Kuwa jukwaa linaloongoza kitaifa katika kuendeleza briketi endelevu za biomasi na majiko banifu kwa upishi safi, ulinzi wa mazingira na maendeleo ya kiuchumi.
Dhamira yetu
Kutetea na kukuza soko endelevu linalowezesha upatikanaji na matumizi ya nishati safi ya kupikia kupitia briketi za biomasi, majiko banifu, ubunifu, ushirikiano na kujenga uwezo nchini Tanzania.
Vipaumbele vyetu
- Kutetea sera, kanuni na viwango vinavyosaidia sekta.
- Kuendeleza uzalishaji, usambazaji na matumizi endelevu ya briketi na majiko banifu.
- Kuboresha upatikanaji wa teknolojia nafuu na bora kwa kaya, taasisi na biashara.
- Kuimarisha ujuzi kupitia mafunzo, utafiti na kubadilishana maarifa.
- Kuunganisha serikali, sekta binafsi, wadau wa maendeleo na taasisi za elimu.
- Kuhamasisha rasilimali na uwekezaji.
- Kuchangia uhifadhi wa mazingira na kukabiliana na mabadiliko ya tabianchi.
- Kuendeleza ajira, ujasiriamali na ushiriki jumuishi.
- Kutoa elimu na kukuza masoko.
- Kuwakilisha na kulinda maslahi ya wanachama.
Eneo la shughuli
Shughuli zetu zinahusu Tanzania Bara. Makao makuu yako Moshi Mjini, Jengo la NSSF, Viwanja Na. 7, 8 na 9, S.L.P. 3070, Moshi, Kilimanjaro. Katiba inaweka utaratibu wa Bodi kuanzisha matawi ya mikoa na wawakilishi wa wilaya.